Më 20 Gusht 1463, midis Senatit të Venedikut dhe Gjergj Kastriotit, u përfundua marrëveshja e paqes dhe e bashkëpunimit të ndërsjelltë, në luftën e përbashkët kundër pushtuesve osmanë. Sipas marrëveshjes, Skëndërbeu zotohej të vazhdonte luftën kundër Perandorisë Osmane, kurse Venediku, në përgjigje të kërkesës së Skëndërbeut për ndihmë në njerëz, zotohej t’i dërgonte 500 kalorës, 500 këmbësorë, 2000 dukatë dhe të mbante në brigjet e Shqipërisë dhe Dalmacisë, disa trireme dhe anije të tjera. Senati i Venedikut, zotohej gjithashtu që për çdo bisedim e marrëveshje, që mund të arrihej me kundërshtarin, Skëndërbeu të vihej në dijeni dhe të ishte palë. Rëndësi të veçantë kishte premtimi i Senatit, që në rast disfate dhe pushtimi të Shqipërisë nga turqit, Venediku të priste refugjatët shqiptarë, gjë që u realizua pas vdekjes së Gjergj Kastriotit.
Referencat:
Thimi Çollaku / Kalendari i botës shqiptare
You may also like
-
9 Maj në dokumentat kishtare të shek VI përmendet Papa Inocenti dhe kombi arbëror
-
9 Maj 1912 në fletoren “Liria e Shqipërisë”, u botua thirrja e udhëheqësve të kryengritësve kosovarë, Mahmut Zajmit, Bajram Dakolanit, etj
-
9 Maj 1920, në prag të kryengritjes së armatosur, Italianët shpallën gjëndjen e jashtëzakonshme në Shqipëri
-
9 Maj 1945, kapitullojnë forcat gjermane ne Luften e Dytë Botërore
-
9 Maj 1967, vdiq Dhimitër Pasko, apo siç njihet me pseudonimin Mitrush Kuteli