Në Unger (Lungero) të Kalabrisë, më 20 Shkurt 1897, u mblodh Kongresi i Dytë Arbëresh për gjuhën shqipe. Në këtë tubim, përveç studjuesve arbëresh të Italisë, merrnin pjesë edhe përfaqësues të shqipëtarëve me banim në Rumani dhe Austri, si dhe miq të Shqipërisë nga vende të ndryshme. Në Kongres u vendos të kërkohej nga qeveria Italiane që të hapej një degë e shqipes në Institutin Oriental të Napolit; të njihej zyrtarisht gjuha shqipe për arbëreshët dhe të përkrahej puna e atdhetarëve shqiptarë për përhapjen e arsimit e të kulturës kombëtare në Shqipëri, duke bashkëpunuar për këtë me veprimtarët e Shqipërisë e të Kolonive shqiptare në Rumani, Egjipt, etj.
Referencat:
Thimi Çollaku / Kalendari i botës shqiptare
You may also like
-
31 Janar 1862, lindi Zef De Rada, biri i Arbëreshit të madh
-
31 Janar 1911, u botua nga shtypi perëndimor memorandumi “Kërkimet e Shqiptarëve”
-
31 Janar 1920, u miratua “Statuti i Lushnjës” ose Kushtetuta e parë Shqiptare
-
31 Janar 1925, u shpall Republika Shqiptare dhe Zogu President
-
31 Janar 1924, doli numri i parë i revistës “Reforma”