Në Korçë, më 13 Janar 1871, u lind shkrimtari dhe luftëtari i lirisë Mihal Grameno. Qysh i ri emigroi në Rumani, ku u përfshi në lëvizjen politike, si anëtar dhe sekretar i shoqërisë “Drita”. Mori pjesë në Kongresin e Manastirit dhe luftoi me armë në dorë në çetën e Çerçiz Topullit. Për veprimtarinë e tij u burgos disa herë nga qeveria osmane. Grameno, është një ndër themeluesit e gazetarisë shqiptare të epokës së Rilindjes. Emrin e tij e ndeshim në faqet e shumë veprave dhe fletoreve të kohës, ndërsa gazetat “Lidhja Orthodokse” dhe “Koha”, i botoi dhe drejtoi vetë.
Referencat:
Thimi Çollaku / Kalendari i botës shqiptare
You may also like
-
29 Tetor 1908, themelimi i Klubit “Labëria”
-
29 Tetor 1909, shoqëria femërore “Ylli i mëngjesit” shfaq dramën “Vilhelm Teli”
-
29 Tetor 1914, “misioni sanitar” i Italianëve pregatiti pushtimin e Vlorës
-
29 Tetor 1937, aparati i parë “Rentgen” kundër turbekulozit
-
29 Tetor 1981, premierë e filmit “Në prag të lirisë”