Një nga gjeologët e parë shqiptarë, Veronika Meko, u lind në Elbasan, më 28 Qershor 1932. Pas mbarimit të Politeknikumit në Tiranë, ajo punoi teknike gjeologe në “Ndërmarrjen e Nxjerrjes së Naftës” në Patos. Gjatë vitit 1957-1961, pa u shkëputur nga puna, ndoqi Fakultetin e Gjeoiogjisë e Minierave në Tiranë dhe u diplomua inxhinjere-gjeologe. Fill pas kësaj, u emërua në Drejtorinë e Përgjithshme të Gjeologjisë si përgjegjëse e Fondit Qëndror të Gjeologjisë, ku u mor me organizimin e bibliotekës shkencore të gjeologjisë, ngritjen e arkivave të gjeologjisë, pranë institucioneve dhe ndërmarrjeve gjeologjike. Eshtë nismëtare dhe bashkautore e bibliografisë së botimeve shqipe, për gjeologjinë, minierat dhe naftën dhe bibliografisë, për periudhën 1944-1985. Ajo është gjithashtu, bashkautore e tekstit “Gjeologjia” për shkollat e mesme teknologjike, si dhe e Hartës së Mineraleve të Dobishme të Shqipërisë.
Referencat:
Thimi Çollaku / Kalendari i botës shqiptare
You may also like
-
28 Qershor 1897, u ngrit fabrika e parë për përpunimin e ullirit në Tiranë
-
28 Qershor 1912, u zhvillua beteja te ura e Senicës, ku kryengritësit shpartalluan dy batalione turke
-
28 Qershor 1912, nga Porti i Durrësit dhe Shën Gjinit, u larguan ushtarët e fundit turq
-
28 Qershor 1924, qeveria e Fan Nolit, iu përgjigj pozitivisht propozimit të qeverisë sovjetike, për vendosjen e marrëdhënieve diplomatike
-
28 Qershor 1942, lindi në Ranxë-Bushat të Shkodrës, gazetarja dhe botuesja, Luçie Doçi