Në Aka të Turqisë, më 14 Korrik 1868, u lind skulptori, poeti dhe patrioti i Rilindjes sonë Kombëtare, Murat Toptani. Edhe ati i tij, Said Toptani, ka hyrë në historinë tonë, si patriot i flaktë dhe luftëtar, për lirinë dhe pavarësinë e Atdheut. Veprimtarinë patriotike Murat Toptani, e zhvilloi në Tiranë, por edhe në Stamboll, Bukuresht, Napoli e gjetkë. Kishte lidhje pune dhe familjare me vëllezërit Frashëri, por dhe me shumë patriotë të tjerë. Ishte përfaqësues i Tiranës, kur u ngrit flamuri në Vlorë dhe nënshkrues i aktit të pavarësisë. Më 1899, punoi në Napoli të Italisë bustin e Skëndërbeut, që njihet si një nga veprat e para të skulpturës të Rilindjes Kombëtare. Veç punimeve skulpturore, ka lënë edhe disa piktura dhe është shquar në mënyrë të veçantë në fushën e karikaturës. Në shtypin e kohës, janë botuar edhe disa vjersha, poezi dhe artikuj publicistikë. Një pjesë e krijimtarisë së tij letrare është përmbledhur në vëllimin “Vjershat e Murat Toptanit”, botuar në vitin 1924.
Referencat:
Thimi Çollaku / Kalendari i botës shqiptare
You may also like
-
18 Qershor 1785, Karamahmut Pashë Bushatlliu me ushtrinë shkodrane, sulmoi Malin e Zi
-
18 Qershor 1878, Lidhja Shqiptare e Prizrenit, miratoi një seri vendimesh, që u përfshinë në atë që u quajt “Libër i vendimeve”
-
18 Qershor 1880, “Komiteti Shqiptar i Stambollit”, i dërgoi Konferencës së Berlinit një protestë
-
18 Qershor 1914, në portin e Durrësit dhe të Shëngjinit, u ankoruan luftanijet angleze dhe franceze
-
18 Qershor 1922, në Shkodër u formua Lidhja e Mësuesve Shkodranë