Sot përkujtohet përvjetori i vdekjes së atdhetarit dhe veprimtarit të shquar të Rilindjes Kombëtare, klerikut Dom Nikoll Kaçorit. Shërbeu 20 vjet në famullinë katolike të Durrësit dhe u lidh herët me lëvizjen kombëtare. U shqua në fushën politike dhe kulturore. Gjatë viteve 1905-1907, drejtoi kryengritjen e Kurbinit në rrethin e Krujës. Ishte pjesëtar aktiv i Kongresit të Manastirit dhe atij të Elbasanit që vendosën për alfabetin dhe shkollën shqipe. Për pjesëmarrjen në kryengritjet antiosmane të viteve 1910-1912, u arrestua dhe u dënua me burgim nga autoritetet pushtuese. Dom Nikoll Kaçori, përfaqësoi Durrësin në Kuvendin e Vlorës, që shpalli mëvehtësinë e Shqipërisë. Kuvendi e zgjodhi nënkryetar të Qeverisë të parë kombëtare, që kryesohej nga Ismail Qemali. Aktivizimi në jetën politike, u kritikua nga hierarkia kishtare dhe ai, në vitin 1914, u detyrua të largohet në Vienë, ku dhe u nda nga jeta, më 29 Maj 1917.
Referencat:
Thimi Çollaku / Kalendari i botës shqiptare
You may also like
-
17 Gusht 1834, njësitë e ushtrisë turke, nën komandën Daut Pasha, zhvilluan stërvitje me zjarr, në fushën e Tabakëve, në qytetin e Shkodrës
-
17 Gusht 1911, vdiq i helmuar nga xhonturqit, veprimtari i Rilindjes Kombëtare, Petro Nini Luarasi
-
17 Gusht 1928, në të gjithë Shqipërinë, u zhvilluan zgjedhjet dyshkallëshe për Asamblenë Kushtetuese
-
17 Gusht 1943, për kurimin e partizanëve të plagosur dhe të sëmurë, u krijua spitali partizan
-
17 Gusht 1944, lindi në Tiranë, Profesor Rexhep Mejdani