U nda nga jeta, më 24 Mars 1937, kleriku dhe patrioti Haxhi Vehbi Dibra, “ushtar i fesë dhe i atdheut”. U lind në familjen e Ahmet Agollit, myfti i Dibrës dhe një nga njerëzit më të shkolluar të saj. Edhe i biri në moshën 25 vjeçare, zuri katedrën e myftiut. Më 1909, Vehbi Dibra, zgjidhet kryetar i Kongresit të Dibrës, në nëntor të 1912, përfaqësoi vendlindjen në Kuvendin e Vlorës, ku u zgjodh nënkryetar tij. Në vitet që pasuan, mbetet një ndër drejtuesit e kryengritjeve kundër pushtimit serb të Dibrës. Drejtoi me shumë patriotizëm dhe urtësi Komunitetin Musliman në Tiranë, deri në vitin 1929. Në varrimin e tij, mori pjesë dhe mbajti një fjalim shumë domethënës kryetari i Kishës Ortodokse Shqiptare, Imzot Vissarioni.
Referencat:
Thimi Çollaku / Kalendari i botës shqiptare
You may also like
-
9 Maj në dokumentat kishtare të shek VI përmendet Papa Inocenti dhe kombi arbëror
-
9 Maj 1912 në fletoren “Liria e Shqipërisë”, u botua thirrja e udhëheqësve të kryengritësve kosovarë, Mahmut Zajmit, Bajram Dakolanit, etj
-
9 Maj 1920, në prag të kryengritjes së armatosur, Italianët shpallën gjëndjen e jashtëzakonshme në Shqipëri
-
9 Maj 1945, kapitullojnë forcat gjermane ne Luften e Dytë Botërore
-
9 Maj 1967, vdiq Dhimitër Pasko, apo siç njihet me pseudonimin Mitrush Kuteli