Pas shpërbërjes së Austro-Hungarisë, në Konferencën e Paqes në Paris, sikurse shkruan, më 5 Mars 1919, gazeta “Dielli”, që botonin mërgimtarët tanë në Boston, shqiptarët mund të mbështeteshin vetëm tek diplomacia amerikane. Fletorja riprodhon një artikull të gazetës greke “Ethenikos Qirikis”, që botohej në Nju Jork. Korrespondenti i saj shkruan së Franca dhe Anglia, duan që Toskëria t’i bashkohet Greqisë. Kundër kësaj shpehet Amerika. “Përfaqësonjësit amerikanë, thekson gazeta greke, thonë që Korça, është qëndra e kulturës shqiptare dhe për këtë arsye nuk është e mundur të shkëputet nga Shqipëria. Ky qëndrim i amerikanëve i detyrohet ndikimit të misionerëve amerikanë në Lindje, të cilët nuk i kanë simpatizuar kurrë grekët, me që atyre nuk u zënë këmbët dhe në Greqi”. Gazeta greke është detyruar të pohojë, se dhe Venizellosi më në fund pranoi që vendasit e Vorioepirit janë shqiptarë, por duan të bashkohen me Greqinë.
Referencat:
Thimi Çollaku / Kalendari i botës shqiptare
You may also like
-
20 Janar 1870, Elena Gjika i shkruan De Radës: Ka ardhur koha të rishkruajmë historinë e popullit tonë
-
20 Janar 1899, lindi gazetari dhe publicisti Gjergj Bubani
-
20 Janar 1924, marrëveshje për lundrim e tregëti me Italinë
-
20 Janar 1925, u shua Hoxhë Kadriu, patriot, demokrat
-
20 Janar 1943, u formua kabineti i Eqerem Libohovës