Pas shpërbërjes së Austro-Hungarisë, në Konferencën e Paqes në Paris, sikurse shkruan, më 5 Mars 1919, gazeta “Dielli”, që botonin mërgimtarët tanë në Boston, shqiptarët mund të mbështeteshin vetëm tek diplomacia amerikane. Fletorja riprodhon një artikull të gazetës greke “Ethenikos Qirikis”, që botohej në Nju Jork. Korrespondenti i saj shkruan së Franca dhe Anglia, duan që Toskëria t’i bashkohet Greqisë. Kundër kësaj shpehet Amerika. “Përfaqësonjësit amerikanë, thekson gazeta greke, thonë që Korça, është qëndra e kulturës shqiptare dhe për këtë arsye nuk është e mundur të shkëputet nga Shqipëria. Ky qëndrim i amerikanëve i detyrohet ndikimit të misionerëve amerikanë në Lindje, të cilët nuk i kanë simpatizuar kurrë grekët, me që atyre nuk u zënë këmbët dhe në Greqi”. Gazeta greke është detyruar të pohojë, se dhe Venizellosi më në fund pranoi që vendasit e Vorioepirit janë shqiptarë, por duan të bashkohen me Greqinë.
Referencat:
Thimi Çollaku / Kalendari i botës shqiptare
You may also like
-
17 Qershor 1984, u zbulua një rrasë varri e vitit 1201, që flet për principatën e Arbërit
-
17 Qershor 1815, lindi luftëtari trim Dasho Shkreli
-
17 Qershor 1878, Kuvendi Kombëtar i Lidhjes së Prizrenit, miratoi “Statutin e Lidhjes Shqiptare”
-
17 Qershor 1907, lindi pioneri i shkencës së veterinarisë shqiptare, Prof. Dhimitër Vavakos
-
17 Qershor 1912, mësuesi Jani Minga organizoi një shfaqje artistike, në shkollën shqipe të Kaninës