Pas prezantimit në skenat e 19 vendeve të Europës, më 3 prill 1996, dha shfaqje në Tiranë kori grek, që interpreton muzikën e kompozitorit të famshëm shqiptar Jan Kukuzeli. Muzikanti u lind në Durrës, rreth viteve 1070-1075. Për këtë u mbiquajt Kukuzeli dhe u emërua drejtues i këngëtarëve antikë dhe maestro i kapelës perandorake. Vetë ai, ishte këngëtari dhe kompozitori më i shquar i Kostandinopojës të shekullit të XI. Krijoi sistemin e shkrimit muzikor, që mban emrin e tij. Sistemi kukuzelik, përdorte mbi 40 gërma grafike dhe bazohej në rrethet muzikore. Notacioni i kompozitorit shqiptar, u përdor për shumë shekuj në muzikën kishtare, deri në kohën kur, kompozitori tjetër nga Durrësi, Krisanth Moditi kreu reformën e tij në shekullin e XIX. Jan Kukuzeli ishte pedagog, poet dhe himnograf.
Referencat:
Thimi Çollaku / Kalendari i botës shqiptare
You may also like
-
20 Qershor 1444, u zhvillua beteja e parë e ushtrisë shqiptare që komandohej nga Gjergj Kastrioti
-
20 Qershor 1878, Sami Frashëri, Jani Vreto e Zija Prishtina, i drejtuan Kongresit të Berlinit një memorandum
-
20 Qershor 1879, filloi për herë të pare prodhimi i kripës në Shqipëri
-
20 Qershor 1886, lindi patrioti Ligor Thoma Bellovoda
-
20 Qershor 1914, forcat rebele sulmuan Karbunarën dhe pika të tjera të Myzeqesë