Më 25 Maj 1995, u nda nga bota e letrave shkrimtari dhe publicisti Azem Shkreli. U lind në Shkrel të Rugovës më 1938. Mbaroi Normalen e Prishtinës dhe Fakultetin Filozofik. Karrierën e filloi në gazetën Rilindja. Më pas u emërua drejtor i Teatrit Popullor, drejtor i Kosova-Film, kryetar i Shoqatës së Shkrimtarëve të Kosovës dhe kryetar i Lidhjes së Shkrimtarëve të ish Jugosllavisë. Vjershën e parë e botoi më 1952, në revistën “Pionieri”. Më pas, në shtypin e Kosovës dhe të Shqipërisë gjen dhjetra vjersha, tregime, novela e shkrime të tjera.Vëllimin e parë me vjersha “Bulëzat”, e botoi më 1960. Ai u pasua nga “Karvani i bardhë” (1961), “Engjëjt e rrugëve” (1963), “Sytë e Evës” (1965), “Fosilet” (1968). “E di një fjalë prej guri” 1969), “Nga bibla e heshtjes” dhe “Vjersha” (1977), “Pagëzimi i fjalës” (1981), “Varri i qyqes” (1983), “Kënga e hudinit” (1986), “Nata e papagajve” (1990), “Lirika me shi” (1996), “Zoti nuk është shqiptar” (1997), “Karvani i bardhë”, etj.
Referencat:
Thimi Çollaku / Kalendari i botës shqiptare
You may also like
-
1 Mars 313, lindi strategu dhe perandori me prejardhje ilire Caius Flavi
-
1 Mars 1897, Faik Konica botoi numrin e parë të revistës “Albania” në Bruksel
-
1 Mars 1907, doli në Kajro numri i parë i gazetës “Pellasgu”
-
1 Mars 1913, u mbajt në Trieste Kongresi i Madh i kolonive shqiptare; kryetar Faik Konica
-
1 Mars 1928, lindi folkloristi Fatos Mero Rrapaj