Pedagogu dhe personaliteti shqiptar Kahreman Ylli, lindi në Leshnjë të Skraparit, më 22 Prill 1917. Pas mësimeve të para në Çorovodë ndoqi Normalen e Elbasanit dhe Universitetin e Lionit. Ai ishte një ndër nismëtarët e themelimit të shoqërisë studentore “Vëllazëria” dhe të gazetës “Populli”. Gjatë kohes së Luftës Nacionalçlirimtare, u zgjodh dhe u emërua në disa poste të rëndësishme ,pas çlirimit, zgjidhet deputet i Kuvendit Popullor dhe më 1945, emërohet ministër fuqiplotë i Shqipërisë në Paris. Gjatë shërbimit diplomatik e ka përfaqësuar vendin në shumë veprimtari ndërkombëtare, si ne Komisionin Ndërkombëtar të Dëmshpërblimeve të Luftës në Bruksel, në Gjyqin e Hagës për incidentin e Korfuzit, në mbledhjet e Organizatës së Kombeve të Bashkuara në Nju Jork, etj. Pas vitit 1949, drejtoi digasterin e Arsimit; më 1961, emërohet rektor i Universitetit të Tiranës.
Referencat:
Thimi Çollaku / Kalendari i botës shqiptare
You may also like
-
17 Qershor 1984, u zbulua një rrasë varri e vitit 1201, që flet për principatën e Arbërit
-
17 Qershor 1815, lindi luftëtari trim Dasho Shkreli
-
17 Qershor 1878, Kuvendi Kombëtar i Lidhjes së Prizrenit, miratoi “Statutin e Lidhjes Shqiptare”
-
17 Qershor 1907, lindi pioneri i shkencës së veterinarisë shqiptare, Prof. Dhimitër Vavakos
-
17 Qershor 1912, mësuesi Jani Minga organizoi një shfaqje artistike, në shkollën shqipe të Kaninës