Në Shkodër, më 21 Shkurt 1895, lindi ekonomisti dhe politikani Sandër Saraçi. Mbaroi kolegjin Saverian të Shkodrës për tregëti dhe u emërua sekretar i Bashkisë së Qytetit. Më pas shkoi në Vjenë dhe punoi në shoqërinë komisionere Austro-Orientale dhe njëherësh ndoqi dhe Akademinë Tregëtare në kryeqytetin Austriak. Bashkëpunoi me shoqërinë studentore “Albania” dhe shkroi në organin e saj “Djalëria”. Në vitin 1921 Saraçi u kthye në Atdhe dhe u emërua sekretar i përgjithshëm i Ministrisë së Punëve Botore, kurse gjatë viteve 1933-1935, mbajti postin e ministrit të këtij dikasteri. Në vitin 1932 u zgjodh deputet i Shkodrës në parlamentin shqiptar dhe zhvilloi veprimtari parlamentare deri në pushtimin e Shqipërisë nga Italia fashiste. Gjate viteve 1948-1954 u internua në fshatrat e Fierit dhe të Vlorës.
Referencat:
Thimi Çollaku / Kalendari i botës shqiptare
You may also like
-
12 Gusht 1461, ekspedita e Gjergj Kastriot Skënderbeut në ndihmë të Mbretit të Napolit
-
12 Gusht 1860, vdiq piktori francez Aleksandër Deka
-
12 Gusht 1912, kryengritësit shqiptarë marrin Shkupin
-
12 Gusht 1920, u themelua në Stamboll, shkolla fillore “Kosova”
-
12 Gusht 1928, shoqëria H.H.”Ruston” merr në konçension rajonin naftëmbajtës në Myzeqe