Në një familje intelektuale elbasanase, më 20 Mars 1917, u lind Roza Buda një nga mjeket e para shqiptare. Mësimet e para i mori në vendlindje dhe më pas, ndoqi Institutin Kyrias në Korçë, ku veç të tjerave përvetësoi shkëlqyeshëm gjuhën angleze dhe franceze. Studimet e larta i ndoqi në Fakultetin e Mjekësisë në Universitetin e Vjenës. Pas diplomimit, 6 vjet praktikoi dijet e fituara në klinikën pediatrike të Vjenës dhe më 1946, kthehet në Atdhe. Në maternitetin e Tiranës, punoi nën drejtimin e gjinekologut të shquar Jani Basho. Më pas, shërben edhe si mjeke pediatre në Poliklinikën e kryeqytetit dhe njëherësh shkruante artikuj shkencorë dhe përgjithësues që botoheshin në shtypin e vendit por dhe jashtë. Shumë vite Roza Buda drejtoi me profesionalizëm dhe humanizëm të lartë Befotrofin e Tiranës. Atje e përfundoi karrierën e saj mjekësore dhe doli në pension në vitin 1973.
Referencat:
Thimi Çollaku / Kalendari i botës shqiptare
You may also like
-
18 Shtator 1204, Venediku i shkëputi Arbrit, krahinat më strategjke e tokat më të mira
-
18 Shtator 1415, sistemi doganor i Kastriotëve dëshmohet nga një kronikë e kohës
-
18 Shtator 1803, qeveritari francez i Korfuzit raporton; Ali Pasha me diplomaci të hollë ka plane ambicioze
-
18 Shtator 1835, Veziri i Madh i Perandorisë vjen në Shkodër për të shtypur kryengritjen
-
18 Shtator 1921, trupat serbe dhe forcat e Esat Toptanit bombarduan fshatra shqiptare; 2 muaj luftime të ashpra