Ka ardhur deri në ditët tona akti i shugurimit të kishës së Shën Trifonit në Kotorr, që mban datën, 19 Qershor 1166. Në të përmenden disa klerikë të lartë të Arbërisë, si Peshkop Lazëri i Arbërisë, abati i Shën Shelbuenit të Arbërisë, Andrea priori i Arbërisë etj. Pjesëmarrja e klerikëve të lartë në këtë ceremoni, flet jo vetëm për ekzistencën e Principatës së Arbërit para vitit 1166, por edhe për marrëdhëniet që ajo kishte, me principatat e tjera feudale ballkanike dhe arbërore. Siç dihet, Principata e Arbërit, është formacioni i parë shtetëror feudal i shqiptarëve në mesjetë, që dokumentohet që nga shekulli i XII. Kjo flet, jo vetëm për autoktoninë e shqiptarëve, por edhe për aftësitë shtetformuese të tyre, për zhvillimin shoqëror të popullit tonë, krahas atyre të Europës.
Referencat:
Thimi Çollaku / Kalendari i botës shqiptare
You may also like
-
18 Maji është Dita Ndërkombëtare e Muzeumeve
-
18 Maj 1273, Karli I Anzhu i dhuroi fisnikut arbëresh Pal Gropa disa feude që iu shtuan Mbretërisë së Arbrit
-
18 Maj 1430, Sulltani shtypi kryengritjen e Gjon Kastriotit
-
18 Maj 1835, pushtuesit osmanë, filluan spastrimin e aparatit administrativ nga nënpunësit shqiptarë
-
18 Maj 1854, Franc Bopi mbajti referatin “Mbi gjuhën shqipe në lidhjet e farefisnisë gjuhësore të saj”