Mbarë bota shqiptare sot kremton, përvjetorin e At Shtjefën Gjeçovit (emri i vërtetë: Mhill Kostandin Gjeçi-Kryeziu), klerik, arkeolog, etnograf dhe shkrimtar shquar. U lind më 12 Korrik 1874. U arsimua në Kolegjin katolik të Troshanit në Lezhë dhe më pas, në Bosnje. Gjatë gjithë jetës mbeti At shpirtëror dhe patriot i flaktë. Në Kurbin, më 1906, mbrojti me forcë luftetarët e lirisë, në Gomsiq të Mirditës, më 1909-1912, ishte një ndër organizatorët e kryengritjes antiosmane dhe u rradhit në çetat e luftëtarëve të lirisë, më 1914, kundërshtoi barbaritë e pushtuesve austro-hungarezë, më 1920, mori pjesë në epopenë për çlirimin e Vlorës, nga pushtuesit italianë, ndërsa në Zara të Dalmacisë, në Pejë, në Gjakovë e gjetkë, luftoi aktet shkombëtarizuese të serbomëdhenjve, ndaj popullsisë dhe kulturës shqiptare. Për këto qëndrime e vranë agjentët e Beogradit, në Zyme të Gjakovës, më 1929.
Referencat:
Thimi Çollaku / Kalendari i botës shqiptare
You may also like
-
21 Shkurt 1272, mbreti Karli I Anzhuin shpalli Mbretërinë e Arbrit dhe vetë u shpall mbret i saj
-
21 Shkurt 1895, lindi në Shkodër Sandër Saraçi, ekonomist e politikan
-
21 Shkurt 1912, lindi Dr. Ymer Dishnica
-
21 Shkurt 1914, Esat Pashë Toptani i ofroi zyrtarisht Vidit, kurorën e Shqipërisë
-
21 Shkurt 1924, greva të mëdha të mësuesve në gjithë Shqipërinë