Gulielm Adami, kleriku francez, që gjatë viteve 1324-1341, shërbeu si kryepeshkop i Tivarit, u lind më 9 Korrik 1270. Ai ishte autor i relacionit, “Udhëzim për të bërë udhëtimin për në Tokat e Shenjta”, i cili ka vlera të mëdha burimore për historinë e Shqipërisë. Në të, autori jep të dhëna për qytetet tona si, Shkodra, Drishti, Shasi, Ulqini, Tivari, etj. për selitë peshkopale të Pultit të Madh dhe Pultit të Vogël, të Sepës dhe të Arbënit dhe për popullsinë e këtyre viseve. Me shumë rëndësi, është pohimi i tij, se “Sado që shqiptarët kanë një gjuhë krejt të ndryshme nga latinishtja, prapseprapë ata kanë në përdorim dhe në të gjitha librat e tyre, shkronjën latine”. Kjo dëshmon, se gjuha shqipe është shkrojtur në alfabetin latin, para vitit 1332, se shqiptarët edhe para këtij viti, kanë pasur “Librat e tyre”, të shkruar me shkronja latine.
Referencat:
Thimi Çollaku / Kalendari i botës shqiptare
You may also like
-
29 Gusht 284, shënon fillimin e “Erës së Diokletianit”
-
29 Gusht 1911, doli numëri i parë i gazetës së përjavëshme politike “Shkupi”
-
29 Gusht 1942, doli numëri i parë i revistës klandestine “Kushtrimi”
-
29 Gusht 1942, lindi sportisti, aktori dhe regjizori Ferdinand Radi
-
29 Gusht 1945, u shpall ligji i ri mbi Reformën Agrare