Në “Librin e artë”, të Muranos në Itali, që njihet si qëndra më e rëndësishme e prodhimit dhe e përpunimit artistik të qelqit në Europë, në Korrik të vitit 1467, flitet për furrën e shkrirjes të Nikola shqiptarit, (Nicola Albaneze). Punishte për prodhimin dhe përpunimin artistik të qelqit, kishin edhe disa shqiptarë të tjerë, të ardhur në Itali, pas fillimit të dyndjeve osmane në trojet shqiptare. Përmëndja e mjeshtrave shqiptarë, në “Librin e artë” dhe dokumente të tjera dhe, sidomos, faktit që ata arritën të kenë edhe punishtet e tyre, ku punonin disa mjeshtra dhe punëtorë të tjerë, dëshmon për nivelin e lartë ekonomik dhe artistik, që ata gëzonin dhe për statusin e veçantë që kishin. Kjo të le të mendosh dhe për faktin se, mjeshtëria e tyre nuk duhet të ishte e huaj dhe e panjohur, në atdheun e tyre të braktisur.
Referencat:
Thimi Çollaku / Kalendari i botës shqiptare
You may also like
-
24 Nëntor 1450, Republika e Shën Markut tenton pajtimin e Sulltanit me Skënderbeun
-
24 Nëntor 1784, Mahmut Pashë Bushatlliu nis ndërtimin e anijeve tregëtare
-
24 Nëntor 1870, Bernard Bilota shkruan poemën satirike “Mërkuri i Dorsit”
-
24 Nëntor 1919, lindi kleriku Vehbi Ismaili
-
24 Nëntor 1927, hapet Legata e parë shqiptare në Pragë