Pirro Milkani
Në Korçë, më 5 Janar 1939, u lind operatori, regjizori i filmave dokumentarë dhe artistik, Artisti i Popullit Pirro Milkani. U diplomua në Pragë për operator dhe shumë vite më vonë përfaqësoi vendin tonë në kryeqytetin çek, si ambassador. Në kinostudion “Shqipëria e Re” e filloi karrierën si operator. Xhiroi shumë kinoditarë, reportazhe, dokumentarë, por edhe filma artistikë. Filmi “Ngadhnjim mbi vdekje”, ishte prova e parë e tij si regjizor dhe më pas erdhën edhe 16 filma të tjerë, duke u bërë kështu regjizori më prodhimtar i kinematografisë sonë. Me filmat “Zonja nga qyteti” dhe “Kapedani”, Pirro Milkani u bë ndër themeluesit e kinokomedisë shqiptare. Ai provoi aftësitë dhe talentin e vet edhe në sfera të tjera si në atë të skenarit, të pedagogut etj.
Referencat:
Thimi Çollaku / Kalendari i botës shqiptare
You may also like
-
27 Qershor 363, vdiq perandori romak Juliani
-
27 Qershor 1797, Francezët zbarkuan në Korfuz
-
27 Qershor 1835, në lagjen e Tabakëve, ushtritë osmane sulmuan kryengritësit shkodranë
-
27 Qershor 1907, lindi në Korçë, pedagogu dhe juristi, Nikollaq Stralla
-
27 Qershor 1914, Koloneli anglez Filips, hyri në bisedime me rebelët, që ishin ngritur kundër Qeverisë së Durrësit