Në të gjithë Kosovën, më 28 Mars 1989, shpërthyen protestat e mëdha kundër ndryshimit të Kushtetutës së Kosovës nga parlamenti serb. Kjo datë shënon edhe pushtimin e Kosovës nga forcat ushtarake serbe. Kosovarët u ngritën në mbrojtje të mëvehtësisë të Atdheut të tyre. Nga sulmet e ushtrisë serbe, që në diten e parë të demostratave u vranë 22 veta dhe u plagosën qindra të tjerë. Kjo datë e furishme dhe e përgjakshme ka hyrë në historinë e Kosovës si ditë e manifestimit të vullnetit për pavarësi. Me gjithë dhunën e egër kosovarët, nuk e ndërprenë luftën dhe përpjekjet për liri dhe pavarësi. Një vit më vonë, u shpall pavarësia e vendit; në vitin 1991, u krye referendumi, ku kosovarët shprehën dëshirën e tyre që të jetojnë të lirë dhe të pavarur në vatrat dhe trojet e tyre, kurse në vitin 1992, u zhvilluan zgjedhjet për deputet në parlamentin e Kosovës dhe për Kryetarin e Republikës.
Referencat:
Thimi Çollaku / Kalendari i botës shqiptare
You may also like
-
15 Mars 1848, sot është dita kombëtare e Hungarisë mike
-
15 Mars 1875, lindi Faik Konica, një nga figurat më të ndritura të kulturës dhe diplomacisë shqiptare
-
15 Mars u formua dhe doli në mal çeta e Bajo Topullit
-
15 Mars 1912, lindi Mit’hat Arianiti, gazetar
-
15 Mars 1925, Presidenti shqiptar Ahmet Zogu dekretoi ligjin për formimin e Bankës Kombëtare