Teodor Ippeni
Albanologu austriak, miku i popullit shqiptar, Teodor Ippeni, u lind në 29 Nëntor 1861. Duke qënë në Shërbimin Diplomatik Austriak, në vitin 1885, filloi punën në Konsullatën e Përgjithëshme Austro-Hungareze, në Shkodër. Për herë të dytë në Shkodër erdhi në vitin 1895, kësaj here si Kryekonsull dhe qëndroi 9 vjet. Kreu udhëtime të shumta pune duke mbledhur të dhëna të shumta për veprat që botoi si albanolog. Si diplomat dhe mik i Shqipërisë, dha ndihmesën e tij në dobi të çështjes sonë kombëtare, sidomos gjatë punimeve të Konferencës së Ambasadorëve në Londër dhe gjatë përcaktimit të kufijve të Shqipërisë. Njihen shërbimet e tij për hapjen e shkollave shqipe, për botimin e teksteve shkollore në gjuhën shqipe etj.
Referencat:
Thimi Çollaku / Kalendari i botës shqiptare
You may also like
-
7 Maj 1485, u laurua për filozofi Nikollë Leonik Tomeu, apo siç quhej shpesh dhe Epirioti
-
7 Maj 1840, u lind Pjotër Iliç Çajkovski, një nga kompozitorët më të shquar rus dhe botëror
-
7 Maj 1861, u lind një nga figurat më të shquara të letërsisë dhe shkencës indiane, Rabindranat Tagora
-
7 Maj 1879, delegatët e Lidhjes së Prizrenit në Prishtinë kërkuan të administronin vetë gjykatat
-
7 Maj 1914, andartët grekë sulmuan Nikolicën dhe Arrezën