Sot përkujtohet njëri prej artistëve më të mëdhenj të këngës dhe muzikës shqiptare Mentor Xhemali, “Artist i Popullit” dhe laurat i “Çmimit të parë të Republikës”. Mentor Xhemali studioi në Konservatorin “Çajkovski” të Moskës. Pas diplomimit, punoi në Teatrin e Operas dhe Baletit në Tiranë. Ka realizuar dhjetra figura operistike nga operat e autorëve tanë dhe të huaj. Mentor Xhemali, ka përfaqësuar me dinjitet artin tonë të lashtë dhe original, kudo nëpër botë duke merituar çmime dhe vlerësimet më të larta në festivalet ndërkombëtare të Varshavës, Moskës, Vjenës, Helsinkit, duke u duartrokitur në skenat e Berlinit, Turqisë, Kubës, Hungarisë, Bullgarisë, Kinës, Francës etj. Së bashku me këngëtarin popullor Laver Bariu, ata krijuan grupin e këngës popullore, zëri i të cilit ushtoi edhe larg kufijve të Shqipërisë. U nda nga bota magjike e tingujve, më 9 Prill 1992.
Referencat:
Thimi Çollaku / Kalendari i botës shqiptare
You may also like
-
18 Qershor 1785, Karamahmut Pashë Bushatlliu me ushtrinë shkodrane, sulmoi Malin e Zi
-
18 Qershor 1878, Lidhja Shqiptare e Prizrenit, miratoi një seri vendimesh, që u përfshinë në atë që u quajt “Libër i vendimeve”
-
18 Qershor 1880, “Komiteti Shqiptar i Stambollit”, i dërgoi Konferencës së Berlinit një protestë
-
18 Qershor 1914, në portin e Durrësit dhe të Shëngjinit, u ankoruan luftanijet angleze dhe franceze
-
18 Qershor 1922, në Shkodër u formua Lidhja e Mësuesve Shkodranë