Kuvendi i Republikës së Shqipërisë, në seancën plenare të datës, 9 Korrik 1998, miratoi 3 ligje, që kanë të bëjnë me veprimtarinë e Ministrisë së Punëve të Jashtme dhe përfaqësitë tona diplomatike dhe konsullore, jashtë vendit dhe me politikën e jashtme të Republikës së Shqipërisë, në përgjithësi. Me ligjin nr. 8370, “Për shërbimin e jashtëm të Republikës së Shqipërisë”, hidhen bazat juridike, për përzgjedhjen e personelit të Shërbimit të Jashtëm të Republikës së Shqipërisë, si dhe për vazhdimësinë dhe rregullat e veprimtarisë së tij. Ligji Nr. 8371, datë 9 Korrik 1998, “Për lidhjen e traktëve dhe marrëveshjeve ndërkombëtare”, përcakton organet, rregullat dhe praktikat, që ndiqen për përfundimin e akteve ndërkombëtare, miratimin dhe ruajtjen e tyre. Ligji i tretë, “Për ushtrimin e funksioneve konsullore nga përfaqësitë diplomatike, ose konsullore”, lidhet me një fushë të gjërë veprimesh, ndërshtetërore dhe civile, që ka të bëjë në radhë të parë me diasporën tonë, me migracionin dhe të drejtën e qytetarëve për lëvizjen e lirë.
Referencat:
Thimi Çollaku / Kalendari i botës shqiptare
You may also like
-
28 Gusht 1939, Senati i Venedikut merr në zotërim Krujën dhe tokat përreth me kërkesë të Helena Topisë
-
28 Gusht 1750, Theofan Popa sjell në shqip mbishkrimin në Kishën e Shën Kollit të Voskopojës
-
28 Gusht 1933, ndahet nga jeta veprimtari i shquar i shkollës shqipe Qamil Balla
-
28 Gusht 1947, lindi gazetari nga Kosova Bashkim Ramadani
-
28 Gusht, Shqipëria vendos marrëdhënie diplomatike me tre vende të botës