Në Ninat, fshat i Filatit në Çamëri, më 7 Prill 1811, u lind Hasan Tahsini, intelektuali më i përgatitur në kryeqytetin turk, siç e pat cilësuar vetë inteligjenca osmane. Ja disa nga fjalët dhe vlerësimet e enciklopedistit shqiptar Sami Frashëri, botuar në revistën “Hafta” (Java) më 1881; “Hasan Tahsini, shkruan ai, gjithë jetën ja kushtoi shkencës dhe diturisë. Për t’u bërë i dobishëm për njerëzit, ai, vazhdoi me këmbëngulje rrugën e diktuar nga proverbi..: “kërkoje diturinë kudo që të jetë, qysh nga djepi e gjer në varr”. Librat i mbante gjithmonë në duar, ai jetoi mes tyre dhe aparateve mekanike e teknike. Zotëronte fare bukur dijenitë islamike, gjuhët turqisht, persisht, arabisht, shqip e frëngjisht. Ishte me të vërtetë një shkencëtar i rrallë. Gëzonte aftësinë poetike, letrare, ligjëronte fare bukur. Ka shumë njerëz si unë, që mund të dëshmojnë përsosurinë njerëzore e shkencore të Hoxhë Tahsinit”, e përfundon artikullin e tij Sami Frashëri.
Referencat:
Thimi Çollaku / Kalendari i botës shqiptare
You may also like
-
18 Tetor 1081, Aleks Komneni u shpartallua në kodrat e Durrësit
-
18 Tetor 1448, Huniadi u thye në Fushë Kosovë
-
18 Tetor 1861, u lind Gjerasim Qiriazi, pedagog e publicist
-
18 Tetor 1892, lindi Athanas Shundi, mjek dhe atdhetar
-
18 Tetor 1913, shqiptarët e Mançesterit mbështesin Qeverinë e Ismail Qemalit