Shpallja e Pavarësisë
Kombi shqiptar sot kremton ditën e ngritjes së flamurit të Kastriotëve në Vlorë dhe Shpalljen e Pavarësisë të Shqipërisë, që kishte përjetuar skllavërinë pesëshekullore osmane. Më 28 Nëntor 1912, në orën 14.00, u hap Kuvendi i Vlorës me 37 delegatë nga e gjithë Shqipëria. Kryetar i tij u zgjodh Ismail Qemali, i cili deklaroi se shpëtimi i vetëm i Shqipërisë është shpallja e pavarësisë, krijimi i qeverisë, zgjedhja e pleqësisë, që do ta kontrollojë atë dhe dërgimi i një komisioni, për të mbrojtur çështjen shqiptare para Fuqive të Mëdha. Në vendimin e Kongresit për shpalljen e pavarësisë thuhet: “Pas fjalëve që tha kryetari, Ismail Qemal beu, me të cilat tregoi rrezikun e madh në të cilën ndodhet sot Shqipëria, të gjithë delegatët me një zë, venduan që Shqipëria më sot të bahet në vehte e lirë e mosvarme”. Vendimi, në shqip e turqisht është firmosur nga të gjithë delegatët e Kongresit.
Referencat:
Thimi Çollaku / Kalendari i botës shqiptare
You may also like
-
5 Maj 1786, Sulltani fal Mahmut Pashë Bushatlliun
-
5 Maj 1842, lindi mësuesi i parë i gjuhës shqipe Jorgji Karbunara
-
5 Maj 1888, mërgimtari Grigor Nuka e lë pasurinë e tij në dobi të gjuhës shqipe
-
5 Maj 1906, në Leskovik zhvillohen betejat e para ndërmjet patriotëve shqiptarë dhe forcave osmane
-
5 Maj 1913, Qeveria e Vlorës fillon reformën për riorganizimin e sistemit gjyqësor