Humoristi i njohur Gëzim Kruja, më 24 Gusht 1999, u shpall nga Këshilli Bashkiak “Krenaria e Shkodrës”. Në karrierën e tij 40 vjeçare, ka realizuar mbi 1000 role, të cilëve u ka dhënë frymë dhe jetë. Nëpërmjet tyre, artisti ka bërë personalizimin e stilit të tij si artist humorist i skenës dhe i ekranit. Gëzim Kruja, është shquar edhe si krijues i zhanrit të humorit. Njihen 13 komedi të shkruara dhe të vëna në skenë, nga vetë ai. Gjatë katër dekadave të veprimtarisë artistike në Estradën e Shkodrës, ka vënë në skenë 250 skeçe, që janë luajtur dhe duartrokitur edhe në qytetet e tjera të Shqipërisë, edhe në ekranin e vogël të televizionit shqiptar. Humori i Gëzim Krujës, ka arritur në familjet shqiptare edhe nëpërmjet mikrofonit të Radio-Shkodrës dhe Radio-Tiranës, madje, ai është ndjekur edhe nga bashkatdhetarët tanë, që jetojnë jashtë kufijve shtetërorë të Shqipërisë.
Referencat:
Thimi Çollaku / Kalendari i botës shqiptare
You may also like
-
28 Qershor 1897, u ngrit fabrika e parë për përpunimin e ullirit në Tiranë
-
28 Qershor 1912, u zhvillua beteja te ura e Senicës, ku kryengritësit shpartalluan dy batalione turke
-
28 Qershor 1912, nga Porti i Durrësit dhe Shën Gjinit, u larguan ushtarët e fundit turq
-
28 Qershor 1924, qeveria e Fan Nolit, iu përgjigj pozitivisht propozimit të qeverisë sovjetike, për vendosjen e marrëdhënieve diplomatike
-
28 Qershor 1932, lindi në Elbasan, një nga gjeologet e parë shqiptarë, Veronika Meko