E mbërthyer nga kriza ekonomike dhe financiare, Qeveria e Tiranës, më 19 Mars 1936, nënshkroi me qeverinë fashiste të Musolinit 11 marrëveshje, qe praktikisht përgatitën 7 Prillin e vitit 1939. Me anë të tyre Roma, i krijoi të gjitha mundësitë dhe kanalet për të shtënë në dorë kyçet e ekonomisë, të administratës civile dhe ushtarake të Shqipërisë, duke forcuar edhe më shumë regjimin gjysëm kolonial që kishte ngritur në vendin tonë. U fol dhe u shkrua për marëveshje të fshehta me karakter politik-ushtarak, që e detyronin qeverinë e Zogut të merrte për organizimin e aparatit shtetëror dhe të ushtrisë, vetëm këshilltarë dhe organizatorë fashistë. Jo më pak shqetësuese ishte, sidomos për fqinjët, marëveshja për modernizimin e portit të Durrësit, që u përdor tre vite më vonë për pushtimin e Shqipërisë dhe më pas edhe për agresionin kundër Greqisë.
Referencat:
Thimi Çollaku / Kalendari i botës shqiptare
You may also like
-
18 Qershor 1785, Karamahmut Pashë Bushatlliu me ushtrinë shkodrane, sulmoi Malin e Zi
-
18 Qershor 1878, Lidhja Shqiptare e Prizrenit, miratoi një seri vendimesh, që u përfshinë në atë që u quajt “Libër i vendimeve”
-
18 Qershor 1880, “Komiteti Shqiptar i Stambollit”, i dërgoi Konferencës së Berlinit një protestë
-
18 Qershor 1914, në portin e Durrësit dhe të Shëngjinit, u ankoruan luftanijet angleze dhe franceze
-
18 Qershor 1922, në Shkodër u formua Lidhja e Mësuesve Shkodranë