Në një kullë buzë Valbonës, më 18 Qershor 1948, u lind “Çika e Tropojës”, këngëtarja popullore Fatime Sokoli. Që e vogël, u shqua për zërin dhe talentin e saj. Këngën e pare, e këndoi tek Shpella e Dragobisë për Bacë Bajram Currin dhe trimat e tjerë të Malësisë së Gjakovës. Atje fitoi duartrokitjet e para, duartrokitje që nuk pushuan më pas, as në Tropojë, Tiranë, Gjirokastër, Konispol, në mbarë Shqipërinë, në mbarë Kosovën e Maqedoninë, në shumë skena të Bailkanit dhe të Europës. Festivalet Folklorike të Gjirokastrës, e kishin për nder praninë e saj, ashtu sikurse u duartrokit edhe në shumë gara artistike të krijimtarisë popullore, në Ballkan dhe në Europë. Me zërin dhe talentin e saj, ajo ka hyrë në panteonin e këngës popullore shqiptare dhe do të mbetet aty ndër breza, sa të jehojë ende kënga e popullit.
Referencat:
Thimi Çollaku / Kalendari i botës shqiptare
You may also like
-
28 Qershor 1897, u ngrit fabrika e parë për përpunimin e ullirit në Tiranë
-
28 Qershor 1912, u zhvillua beteja te ura e Senicës, ku kryengritësit shpartalluan dy batalione turke
-
28 Qershor 1912, nga Porti i Durrësit dhe Shën Gjinit, u larguan ushtarët e fundit turq
-
28 Qershor 1924, qeveria e Fan Nolit, iu përgjigj pozitivisht propozimit të qeverisë sovjetike, për vendosjen e marrëdhënieve diplomatike
-
28 Qershor 1932, lindi në Elbasan, një nga gjeologet e parë shqiptarë, Veronika Meko