Më 17 Prill 1537, Sulltan Sulejmani, në ekspeditën e rradhës kundër Shqipërisë, dërgoi Ajaz Pashën, që të shtypë kryengritësit e përjetshëm himariotë. Porosia ishte, që Pashai turk të ndërmerrte një masakër të tillë shfarosëse, që himariotët mos të ngrinin me krye. Por siç shkruan historiografia e kohës, ndodhi e kundërta. “.. ata burra shumë të shkathët, shkruan kronisti, duke i sulmuar armiqtë herë në brinjë e herë në ballë, herë në bisht, herë duke u tërhequr, herë duke u ndeshur ndër skuadra, vranë.. më shumë se tetë mijë turq me pak dëm të jetëve të veta dhe shtrënguan të tjerët të tërhiqen rrokupujë… Duke mos u kënaqur përsa kishin bërë, përfundon kronisti, himariotët vendosën t’i sulmonin turqit në lëmin e tyre dhe, po të mundnin të vrisnin Sulejmanin, brënda çadrës së tij edhe në mes të rojeve”.
Referencat:
Thimi Çollaku / Kalendari i botës shqiptare
You may also like
-
18 Qershor 1785, Karamahmut Pashë Bushatlliu me ushtrinë shkodrane, sulmoi Malin e Zi
-
18 Qershor 1878, Lidhja Shqiptare e Prizrenit, miratoi një seri vendimesh, që u përfshinë në atë që u quajt “Libër i vendimeve”
-
18 Qershor 1880, “Komiteti Shqiptar i Stambollit”, i dërgoi Konferencës së Berlinit një protestë
-
18 Qershor 1914, në portin e Durrësit dhe të Shëngjinit, u ankoruan luftanijet angleze dhe franceze
-
18 Qershor 1922, në Shkodër u formua Lidhja e Mësuesve Shkodranë