Bota shkencore shqiptare, sot kujton, datëlindjen e albanologut slloven Rajko Nahtigal, që ka lindur më 15 prill 1877. Pas Bartolomeo Kapitarit dhe Franc Miklosiçit Nahtigali, është studjuesi më i shquar slloven në fushën e albanologjisë. Gjatë viteve 1916-1917, ai ka qënë anëtar i “Komsisë letrare” të Shkodrës, që synonte të çonte më tej zgjidhjen e problemeve të gjuhës letrare shqipe pas Kongresit të Manastirit. Në kuadrin e kësaj shoqërie, albanologu slloven, zhvilloi një veprimtari të dendur studimore. Duke u njohur e bashkëpunuar me anëtarët e saj si: Luigj Gurakuqi, Hil Mosi, Gjergj Fishta, Aleksandër Xhuvani,etj. ai dha ndihmesën e tij për lëvrimin e gjuhës shqipe. Bashkë me Ndre Mjedën zhvilloi ekspedita gjuhësore nëpër vendin tonë. Rezultat i kësaj pune janë artikujt e shumtë në shypin shqiptar dhe të huaj dhe libri “Çështjet e unifikimit të gjuhës së shkruar shqipe”, botuar në Garc të Austrisë në vitin 1917.
Referencat:
Thimi Çollaku / Kalendari i botës shqiptare
You may also like
-
17 Qershor 1984, u zbulua një rrasë varri e vitit 1201, që flet për principatën e Arbërit
-
17 Qershor 1815, lindi luftëtari trim Dasho Shkreli
-
17 Qershor 1878, Kuvendi Kombëtar i Lidhjes së Prizrenit, miratoi “Statutin e Lidhjes Shqiptare”
-
17 Qershor 1907, lindi pioneri i shkencës së veterinarisë shqiptare, Prof. Dhimitër Vavakos
-
17 Qershor 1912, mësuesi Jani Minga organizoi një shfaqje artistike, në shkollën shqipe të Kaninës