Në Gjirokastër, më 15 Korrik 1913, u lind Halim Budo, një nga punonjësit më të shquar të Shërbimit Diplomatik Shqiptar. Pas liceut të Korçës dhe diplomimit për jurist, në Universitetin e Lionit, kreu dhe shkollën e vështirë të Luflës Antifashiste; u arrestua dhe u internua në Porto-Romano. Mori pjesë me armë në dorë, në Luftën Nacionalçlirimtare. Shërbimin diplomatik e filloi që pa mbaruar lufta antifashiste, si anëtar i delegacionit të Ushtrisë Nacionalçlirimtare, pranë Shtabit të Forcave Aleate në Bari. Mbas luftës, me 1947, u emërua Drejtor në Ministrinë e Punëve të Jashtme, më 1951, ambasador në Çekosllovaki, më 1961, përfaqësues i përhershëm i Shqipërisë në Organizatën e Kombeve të Bashkuara. U nda nga jeta, në vitin 1971.
Referencat:
Thimi Çollaku / Kalendari i botës shqiptare
You may also like
-
19 Tetor 1429, evidenca të mesjetës; Shqipëria eksportuese e madhe e lëndës drusore
-
19 Tetor 1912, lufta për mbrojtjen e Shkodrës
-
19 Tetor 1920, lindi akademiku Mark Krasniqi
-
19 Tetor 1928, greva e punëtorëve të shoqërisë konçesionare “Mazorana”
-
19 Tetor 1938, u ndalua me ligj mbajtja e plisit “qelesheve të bardha”