Qitësja e shquar Elisabeta Karabolli, u lind në Tiranë, më 13 Shkurt 1958. U arsimua në kryeqytet ku ndoqi Fakultetin Ekonomik dhe u diplomua në degën e financave. Që në bangat e shkollës ajo u angazhua me ekipin e qitjes “Partizani” duke vendosur një rekord të ri kombëtar për të rejat, me 374 pikë. Suksesi i parë u pasua nga shumë të tjerë, brenda e jashtë vendit që e bënë atë të njohur. Në vitin 1977, në garat e zhvilluara në Romë, ajo cilësohet Kampione e Europës. Një vit më pas zuri vendin e dytë në Finlandë, kurse në 1979, në Frankfurt të Gjermanisë zë vendin e parë duke fituar titullin kampione e Europës. Një fitore të madhe ajo arriti edhe në Lojërat Mesdheut në vitin 1993, ku mori dy medalje ari dhe dy argjendi. Vite me rradhë Elisabeta Karabolli ushtroi profesionin e traineres, duke pregatitur breza të rinj qitës.
Referencat:
Thimi Çollaku / Kalendari i botës shqiptare
You may also like
-
18 Qershor 1785, Karamahmut Pashë Bushatlliu me ushtrinë shkodrane, sulmoi Malin e Zi
-
18 Qershor 1878, Lidhja Shqiptare e Prizrenit, miratoi një seri vendimesh, që u përfshinë në atë që u quajt “Libër i vendimeve”
-
18 Qershor 1880, “Komiteti Shqiptar i Stambollit”, i dërgoi Konferencës së Berlinit një protestë
-
18 Qershor 1914, në portin e Durrësit dhe të Shëngjinit, u ankoruan luftanijet angleze dhe franceze
-
18 Qershor 1922, në Shkodër u formua Lidhja e Mësuesve Shkodranë