Vangjel Meksi
Sot përkujtohet përkthyesi dhe lëvruesi i gjuhës shqipe, pedagogu dhe mjeku i shquar, Vangjel Meksi. U diplomua në mjekësi, në Napoli të Italisë dhe shërbeu si mjek i Ali Pashë Tepelenës. Më pas, profesionin e tij e ushtroi në Greqi dhe Turqi, por u bë i njohur me përkthimet dhe shkrimet e tij. Veprat e para të shqipëruara prej tij janë, “Doke të izraelitëve” dhe “Doke të të krishterëve”. Por puna e tij madhore, është përkthimi i “Dhjatës së re”, që u botua pas vdekjes nën kujdesin e Grigor Gjirokastritit. Penës së tij i përket edhe një gramatikë dhe disa studime të shqipes letrare, me të cilat ai u bë paraardhës i rilindasve në këtë fushë. Vangjel Meksi u shua më 12 Nëntor 1823.
Referencat:
Thimi Çollaku / Kalendari i botës shqiptare
You may also like
-
8 Maj, Dita Kombëtare e Kryqit të Kuq dhe Gjysmë Hënës së Kuqe
-
8 Maj 1786, u dha premiera e tragjedisë “Skënderbeu”, në skenën e Teatrit Francez në Paris
-
8 Maj 1910, u zhvillua beteja e Carralaves, ndërmjet kryengritësve shqiptar dhe ushtrive osmane
-
8 Maj 1926, u përfundua marrëveshja ndërmjet Qeverisë Shqiptare dhe Bankës Serbo-Shqiptare
-
8 Maj 1937, Mbreti Zogu I dekretoi Ligjin për ndryshimin e emrave të disa qyteteve, fshatrave, lagjeve, lumenjve, etj