Bilbili i Tropojës Fatime Sokoli, u nda nga bota e magjishme e tingujve, më 12 Gusht 1987. Ajo s’i kishte mbushur të dyzetat, por la pas këngët e saj të pavdekshme, zërin e saj të papërsëritshëm, la mesazhet patriotike, mesazhet për jetën dhe punën. U lind në vitin 1948, në një kullë buzë Valbonës. Te shpella e Dragobisë, buçiti zëri i saj për popullin trim të Gjakovës, Aty këngëtarja e Dragobisë, meritoi duartrokitjet e para, që nuk pushuan më pas në Tiranë, Gjirokastër, në mbarë Shqipërinë, në Kosovë e Maqedoni, në shumë skena të Ballkanit e të Europës. Këndoi ajo dhe u laurua në festivale brënda dhe jashtë vendit; këndoi ajo për Bac Bajramin, Mic Sokolin, Emin Durakun, Haxhi Zekën e Tom Kolën. Në fonotekën e Radio Televizionit Shqiptar, ruhen shumë këngë të saj, por ato kanë mbetur në gojë të popuIlit, duke përjetësuar kujtimin e këngëtares ndër shekuj.
Referencat:
Thimi Çollaku / Kalendari i botës shqiptare
You may also like
-
28 Qershor 1897, u ngrit fabrika e parë për përpunimin e ullirit në Tiranë
-
28 Qershor 1912, u zhvillua beteja te ura e Senicës, ku kryengritësit shpartalluan dy batalione turke
-
28 Qershor 1912, nga Porti i Durrësit dhe Shën Gjinit, u larguan ushtarët e fundit turq
-
28 Qershor 1924, qeveria e Fan Nolit, iu përgjigj pozitivisht propozimit të qeverisë sovjetike, për vendosjen e marrëdhënieve diplomatike
-
28 Qershor 1932, lindi në Elbasan, një nga gjeologet e parë shqiptarë, Veronika Meko