Shpallja e Pavarësisë
Kombi shqiptar sot kremton ditën e ngritjes së flamurit të Kastriotëve në Vlorë dhe Shpalljen e Pavarësisë të Shqipërisë, që kishte përjetuar skllavërinë pesëshekullore osmane. Më 28 Nëntor 1912, në orën 14.00, u hap Kuvendi i Vlorës me 37 delegatë nga e gjithë Shqipëria. Kryetar i tij u zgjodh Ismail Qemali, i cili deklaroi se shpëtimi i vetëm i Shqipërisë është shpallja e pavarësisë, krijimi i qeverisë, zgjedhja e pleqësisë, që do ta kontrollojë atë dhe dërgimi i një komisioni, për të mbrojtur çështjen shqiptare para Fuqive të Mëdha. Në vendimin e Kongresit për shpalljen e pavarësisë thuhet: “Pas fjalëve që tha kryetari, Ismail Qemal beu, me të cilat tregoi rrezikun e madh në të cilën ndodhet sot Shqipëria, të gjithë delegatët me një zë, venduan që Shqipëria më sot të bahet në vehte e lirë e mosvarme”. Vendimi, në shqip e turqisht është firmosur nga të gjithë delegatët e Kongresit.
Referencat:
Thimi Çollaku / Kalendari i botës shqiptare
You may also like
-
20 Qershor 1444, u zhvillua beteja e parë e ushtrisë shqiptare që komandohej nga Gjergj Kastrioti
-
20 Qershor 1878, Sami Frashëri, Jani Vreto e Zija Prishtina, i drejtuan Kongresit të Berlinit një memorandum
-
20 Qershor 1879, filloi për herë të pare prodhimi i kripës në Shqipëri
-
20 Qershor 1886, lindi patrioti Ligor Thoma Bellovoda
-
20 Qershor 1914, forcat rebele sulmuan Karbunarën dhe pika të tjera të Myzeqesë