Gjuhëtari, historiani, bibliografi, pedagogu, përkthyesi dhe diplomati Gjergj Pekmezin një ndër diplomantët e parë shqiptarë, të Universitetit të Vjenës, u lind më 23 prill 1872. Me ndihmën e tij, më 1903, u themelua në kryeqytetin austriak katedra e gjuhës shqipe në Institutin Oriental të Vjenës. Kryevepra e tij mbetet, “Gramatika e gjuhës shqipe”, që u botua me 1908. Gjergj Pekmezi, mori pjesë në veprimtarinë e “Komsisë letrare”, në Shkodër dhe më 24 Shtator 1916, u zgjodh edhe kryetar i saj. Bashkë me Ndre Mjedën dhe albanologun slloven Nahtigal, studioi të folmen e Elbasanit. Më 1920, u emërua inspektor i studentëve shqiptarë që studionin në vendet e Europës Qëndrore. Më pas, u përfshi në shërbimin diplomatik shqiptar dhe shërbeu si konsull i Shqipërisë në Vjenë. Në vitin 1924, transkriptoi dhe botoi veprën folklorike “Bleta shqiptare”, të Thimi Mitkos dhe drejtoi revistën studentore “Djaiëria”, që dilte në Vjenë. Një thesar të vërtetë për historinë dhe kulturën tonë, përbën dokumentacioni i vjelur gjatë 23 vjetëve, në arkivat e Vjenës, ku përfshihen relacionet e konsujve të huaj, që vepronin në Shkodër, Prizren, Janinë, Stamboll, Shkup, Manastir dhe Selanik, ky dokumentacion i pasur, është botuar në dy vëllime.
Referencat:
Thimi Çollaku / Kalendari i botës shqiptare
You may also like
-
17 Qershor 1984, u zbulua një rrasë varri e vitit 1201, që flet për principatën e Arbërit
-
17 Qershor 1815, lindi luftëtari trim Dasho Shkreli
-
17 Qershor 1878, Kuvendi Kombëtar i Lidhjes së Prizrenit, miratoi “Statutin e Lidhjes Shqiptare”
-
17 Qershor 1907, lindi pioneri i shkencës së veterinarisë shqiptare, Prof. Dhimitër Vavakos
-
17 Qershor 1912, mësuesi Jani Minga organizoi një shfaqje artistike, në shkollën shqipe të Kaninës