Më 7 Shkurt 2006, në një spital të Milanos ndërroi jetë piktori i shquar shqiptar Ibrahim Kodra. Sipas amanetit të tij u varros në vendlindjen e tij në Ishëm të Durrësit. Artisti e deshi njeriun, natyrën dhe Shqipërinë dhe këto u pasqyruan në krijimtarinë e tij të pasur, me origjinalitet e stil kubist e postkubist. Ai prezantoi me shumë dinjitet artin shqiptar në botë, duke rivalizuar me sukses edhe penelat më të njohur të kohës kur jetoi. Ibrahim Kodra krijoi figurën dhe stilin e tij duke u mbështetur mbi traditën popullore shqiptare, të lashtë dhe origjinale. Duke shfrytëzuar temën shqiptare, përshtypjet që pati nga vizita në vendlindje, Kodra krijoi vepra ku ndërthuren ngjyrat dhe karakteri modern me atë kombëtar, por duke i mbetur gjithnjë besnik kubizmit të zgjedhur prej tij. Veprat e Ibrahim Kodrës janë prezantuar në dhjetra ekspozita vetjake dhe kolektive në të katër anët e botës dhe në qytetet më të rëndësishme të artit.
Referencat:
Thimi Çollaku / Kalendari i botës shqiptare
You may also like
-
5 Gusht 1921, Qeveria e Iliaz Vrionit kërkon nga Lidhja e Kombeve ndalimin e agresionit Jugosllav
-
5 Gusht 1923, ndahet nga jeta atdhetari ynë Pandeli Çala
-
5 Gusht 1925, filloi ngritja e kurseve pedagogjike
-
5 Gusht 1937, shoqëria artistike “Devolli”, shfaqi komeditë e Kristo Floqi-t dhe Hilë Mosi-t në shkollën e Bilishtit
-
5 Gusht 1943, filloi Lufta e Konispolit