Vdekja e parakohshme e Theofan Papës, më 30 Dhjetor 1985, ishte një humbje e madhe për kulturën tonë kombëtare. Ai mbetet si një nga teologët më të shquar shqiptarë, si pedagog e shqipërues, si një nga studiuesit më të shquar të kulturës sonë mesjetare. Vlerat e tij janë edhe si zbulues, evidentues dhe restaurues i ikonografisë dhe epigrafisë së pasur kishtare në vendin tonë. Ai bashkë me ikonografen ruse Viktori Puzanova, qenë të parët që zbuluan, studiuan dhe evidentuan vlerat e jashtëzakonshme shpirtërore dhe artistike, të ikonave dhe afreskeve të Onufrit dhe djalit të tij Nikollës, të David Selenicës dhe Kostandin Shpatarakut, të Kostandin dhe Athanas Zografit e shumë të tjerëve. Punimet e tij në fushën e epigrafisë, të zbulimit dhe transkriptimit të mbishkrimeve si dhe shënimet mbi përmbajtjen e kodikëve që ruhen në Arkivën e Shtetit, mbeten një nga burimet parësore për historinë tonë mesjetare.
Referencat:
Thimi Çollaku / Kalendari i botës shqiptare
You may also like
-
13 Mars 1881 u lind në Jemen diplomati shqiptar Rauf Fico
-
13 Mars 1908 trimat e Çerçiz Topullit vranë bimbashin në Gjirokastër
-
13 Mars 1912, marrëveshja sllave për të nxjerrë Serbinë në detin Adriatik
-
13 Mars 1930 deputetët çifligarë kundërshtuan programin ekonomik të qeverisë së Pandeli Evangjelit
-
13 Mars 1930 lindi gazetari Fuat Bozgo