Pasi thyen rezistencën në skelat shqiptare këmishëzinjtë e Duçes, marshuan shpejt në thellësi të vendit. Më 8 Prill, ata hynë në Tiranë. Zogu me shpurën e tij, kishin marrë arratinë. Po atë ditë, në kryeqytetin tonë arriti Konti Ciano dhe me ngut u krijua Komiteti Administrativ me qëllim, sikurse thuhej në një komunikatë që, “të sigurohet rregulli e disiplina në të gjithë Shqipërinë”. Komiteti kryesohej nga njeriu i afërt i Zogut, Xhafer Ypi. Në përbërjen e tij, hynin edhe Zef Kadareja, që drejtonte punët e brëndëshme, Mihal Sherko për punët e jashtme, Kosta Marku për financat, Izedin Beshiri për punët botore, Pertef Pogoni për arsimin dhe Llambi Aleksi, për ekonominë kombëtare. Xhafer Ypi kryesonte edhe sektorin e drejtësisë.
Referencat:
Thimi Çollaku / Kalendari i botës shqiptare
You may also like
-
18 Qershor 1785, Karamahmut Pashë Bushatlliu me ushtrinë shkodrane, sulmoi Malin e Zi
-
18 Qershor 1878, Lidhja Shqiptare e Prizrenit, miratoi një seri vendimesh, që u përfshinë në atë që u quajt “Libër i vendimeve”
-
18 Qershor 1880, “Komiteti Shqiptar i Stambollit”, i dërgoi Konferencës së Berlinit një protestë
-
18 Qershor 1914, në portin e Durrësit dhe të Shëngjinit, u ankoruan luftanijet angleze dhe franceze
-
18 Qershor 1922, në Shkodër u formua Lidhja e Mësuesve Shkodranë