Në moshën 87 vjeçare, më 29 Gusht të vitit 1989, në Tiranë, u shua pedagogu dhe veprimtari i shquar i shkollës dhe i arsimit shqiptar, Kolë Koci. U lind dhe u rrit në një familje të thjeshte artizani, në Pogradec. Pas shkollës fillore, në shtator 1918, fillon detyrën e shenjtë të arsimtarit: u mësoi ABC-në fshatarëve të vegjël të Çerravës. Pas 6 vjet mësimdhënie, regjistrohet vetë nxënës i Normales së Elbasanit. Maturanti i ri jep mësim, derisa i krijohet përsëri mundësia për të ndjekur Fakultetin Pedagogjik në Universitetin e Lionit. Diplomohet shkëlqyeshëm, në vitin 1934 dhe emërohet mësues në Gjimnazin e Shkodrës dhe më pas, inspektor arsimi i Qarkut. Po me këtë detyrë, transferohet në prefekturën e Gjirokastrës. Për shumë vite, kryen detyra të rëndësishme në Ministrinë e Arsimit.
Referencat:
Thimi Çollaku / Kalendari i botës shqiptare
You may also like
-
28 Gusht 1939, Senati i Venedikut merr në zotërim Krujën dhe tokat përreth me kërkesë të Helena Topisë
-
28 Gusht 1750, Theofan Popa sjell në shqip mbishkrimin në Kishën e Shën Kollit të Voskopojës
-
28 Gusht 1933, ndahet nga jeta veprimtari i shquar i shkollës shqipe Qamil Balla
-
28 Gusht 1947, lindi gazetari nga Kosova Bashkim Ramadani
-
28 Gusht, Shqipëria vendos marrëdhënie diplomatike me tre vende të botës