Sot përkujtohet gjuhëtari dhe diplomati shqiptar Gjergj Pekemezi. U lind në Tushemisht të Pogradecit më 1872. Shkollimin fillor e kreu në vendlindje dhe u diplomua në Universitetin e Vjenës për filozofi dhe gjuhësi. Për rreth dhjetë vjet dha mësimin e shqipes në institutin diplomatik të Vjenës. Duke punuar në Ministrinë e Punëve të Jashtme të Austrisë, u mor me mbledhjen e dokumentave për historinë e Shqipërisë. Ishte bashkëautor i librit “Bibliografia shqiptare” botuar më 1909. Shkroi dhe botoi disa tekste për mësimin dhe leximin e gjuhës shqipe. Vepra e tij kryesore “Gramatika e gjuhës shqipe” u botua më 1908 në gjermanisht. Ajo u përdor për një kohë të gjatë si një tekst kryesor i gjuhës shqipe brënda e jashtë Shqipërisë. Vdiq më 24 Shkurt 1938.
Referencat:
Thimi Çollaku / Kalendari i botës shqiptare
You may also like
-
12 Korrik 1444, Sulltani pranoi vasalitetin e Brankoviçit të Serbisë për ti pasur duart e lira që të sulmonte Skënderbeun
-
12 Korrik 1577, populli i Himarës kërkon ndihmën e Papës për të rindërtuar faltoret dhe për tu armatosur kundër osmanëve
-
12 Korrik 1822, Grigori i IV, apo Dhimitër Gjika hipën në fronin e Vllahisë për të sunduar për 6 vjet
-
12 Korrik 1874, lindi kleriku erudit At Shtjefën Gjeçovi, një jetë e tërë e shkrirë për atdhe e fe
-
12 Korrik 1912, lindi në Boboshticë akademiku Sotir Kuneshka