Në Dibër, më 2 Shkurt të vitit 1924, u lind artisti i madh i skenës dhe ekranit shqiptar, Sulejman Pitarka, Artist i Popullit. Kur ishte 3 vjeç,familja e tij u zhvendos në Durrës, ku kreu shkollën tregtare dhe filloi punë në bankën e qytetit. Pasioni i tij ishte skena dhe pas çlirimit, angazhohet me grupin amator të qytetit. Për herë të para luajti në dramat “Ishulli i paqes” dhe “Invandimi”. Në vitin 1951 Sulejman Pitarka kalon në Teatrin Popullor në Tiranë, ku shumë shpejt u kthye në yll të kinemasë shqiptare. Shumë role të Sulejman Pitarkës janë luajtur e duartrokitur fort nga publiku, duke e bërë atë të njohur edhe jashtë kufijve shtetërorë. Aktori i madh është një ndër pionerët e filmit artistik shqiptar. Për herë të parë ai doli në ekran në vitin 1961 në fimmin “Debatiku”, që ka pasur jehonë jo vetëm në Shqipëri por dhe jashtë vendit. Pastaj pasuan një seri filmash, për ta mbyllur me “Larg barbarëve”. Nuk do të ishte i plotë portreti artistik i Sulejman Pitarkës pa krijimtarinë e tij dramaturgjike. Kryevepra e tij është “Familja e peshkatarit”, që tashmë ka hyrë në listën e dramave tona klasike.
Referencat:
Thimi Çollaku / Kalendari i botës shqiptare
You may also like
-
21 Mars 1821, rol i pa diskutueshëm i shqiptarëve në rebelimin Rumun kundër Perandorisë Osmane
-
21 Mars 1821, lindi në Strugë patrioti Dr. Ibrahim Temo
-
21 Mars 1880, udhëheqësit shqiptarë krijuan në Gjakovë “Lidhjen e re të Prizrenit”
-
21 Mars 1903, u botua në Sofje numri i parë i gazetës “Vetëtima”
-
21 Mars 1903, trupat franceze ulën Flamurin kombëtar në Korçë