Pedagogu, dhe publicisti Izet Bebeziqi, u nda nga jeta, më 19 prill 1982. Në Vjenë, kreu arsimin e mesëm dhe filloi të lartin të cilin u detyrua ta ndërpresë për arsye të bindjeve dhe të qëndrimeve politike antizogiste. U mor me gazetari në Austri dhe Itali. Më 1933, u emërua pedagog në Shkollën Teknike të Tiranës,. Pas pushtimit të vendit, u internua si antifashist në Itali, për arsye shëndetsore u lirua. Pas kthimit, hapi gjimnazin shqip në Pejë, por sëmundja e detyroi të dalë në pension. Në bibliotekën e Shkodrës dha ndihmesën e vet për sistemimin shkencor të fondit. Izet Bebeziqi, ka lënë disa studime për letërsinë shqipe dhe për shkrimtarë të njohur si De Radën, Seremben, etj. Ai u shqua edhe në fushën e shqipërimit dhe pruri në gjuhën tonë Dante Aligerin dhe autorë të tjerë.
Referencat:
Thimi Çollaku / Kalendari i botës shqiptare
You may also like
-
21 Gusht 1908, gazeta ”Kombi” boton kërkesën për krijimin e një province autonome shqiptare
-
21 Gusht 1908, Shoqëria “Bashkimi” i Manastirit shkruante për ngritjen e degëve të klubit në qëndra të tjera të Shqipërisë
-
21 Gusht 1920, forcat jugosllave pushtojnë zonat e Malësisë së Shkodrës
-
21 Gusht 1924, përfundon punimet Kongresi Arsimor
-
21 Gusht 1941, u formua Çeta e Pezës