Ekspozita e krijuesve figurativë “Dardanët”, u hap në Prishtinë, më 21 Maj 1997. Ekspozuan punimet e tyre në pikturë, grafikë, vizatim dhe kolazh, disa nga piktorët më në zë të Kosovës. Kështu, Engjëll Berisha, u prezantua me ciklin “Medalionët e Prizrenit”, Nebil Muriqi me ciklin “Pelazgët”, Hysni Krasniqi, me ciklin “Trinat”, Mustafa Ferizi me ciklin, “Përfytyrimet ilirike”, Gani Gashi, me ciklin “Gjurmët e lashtësisë”, dhe Shkëlzen Zhubi, me ciklin “Jehona Dardane”. Kritika dhe shtypi e cilësoi ekspozitën, si vijim të identitetit etnik, historik e kulturor. Me këtë rast, u organizua dhe debati “Trajtimi i identitetit historik, kulturor, mitologjik si shprehje e qënies sonë kombëtare”.
Referencat:
Thimi Çollaku / Kalendari i botës shqiptare
You may also like
-
8 Maj, Dita Kombëtare e Kryqit të Kuq dhe Gjysmë Hënës së Kuqe
-
8 Maj 1786, u dha premiera e tragjedisë “Skënderbeu”, në skenën e Teatrit Francez në Paris
-
8 Maj 1910, u zhvillua beteja e Carralaves, ndërmjet kryengritësve shqiptar dhe ushtrive osmane
-
8 Maj 1926, u përfundua marrëveshja ndërmjet Qeverisë Shqiptare dhe Bankës Serbo-Shqiptare
-
8 Maj 1937, Mbreti Zogu I dekretoi Ligjin për ndryshimin e emrave të disa qyteteve, fshatrave, lagjeve, lumenjve, etj