Pedagogu, ekonomisti dhe diplomati, Reshat Asllani, lindi në Adrianopojë apo Edrene më 24 Prill 1897. Ndoqi Kolegjin në Stamboll, ku bashkë me shqiptarët e tjerë kërkoi futjen e gjuhës shqipe, ngritjen e flamurit tonë dhe krijimin e “Qarkut literar” shqiptar. Studimet e larta i kreu në Institutin Agronomik, “Gallini” në Itali. Pas diplomimit shërbeu në Ministrinë e Bujqësisë, por shpejt u përfshi në shërbimin diplomatik dhe u emërua sekretar i konsullatës në Bari. Më 1923, kaloi sekretar i legatës shqiptare në Romë. Reshat Asllani, përkrahu Revolucionin e Qershorit dhe qeverinë e Nolit. Me triumfin e Legalitetit, u ndodh pa punë. Për 14 vjet shërbeu si pedagog dhe administrator, në Shkollën Bujqësore të Kavajës. Në vitin 1938, u kthye përsëri në shërbimin diplomatik si konsull i Shqipërisë në Manastir. Vazhdoi karrierën diplomatike edhe në vitet e pushtimit. Pas çlirimit shërbeu si llogaritar në disa ndërmarrje bujqësore, u burgos dhe u përndoq dhe nuk iu njoh e drejta e pensionit.
Referencat:
Thimi Çollaku / Kalendari i botës shqiptare
You may also like
-
7 Gusht 318 lindi Kostanci II, perandor romak me prejardhje ilire
-
7 Gusht 1499, nga letra e Martin Firmanos mësojmë se shqiptarët në pamundësi të paguajnë haraçin organizojnë kryengritje të armatosur kundër Perandorisë Osmane
-
7 Gusht 1833, sundimtari turk Ali Namik Pasha organizon një sulm të befasishëm në veri të Shkodrës
-
7 Gusht 1888, shqiptarët e Bukureshtit botuan numrin e parë të gazetës “Shqiptari”
-
7 Gusht 1941, sipas Dekretit Mbretëror të Viktor Emanuelit u krijua e ashtuquajtura “Shqipëri e Madhe”