Skena shqiptare, sot kujton përvjetorin e lindjes së aktores dhe regjizores së shquar, Drita Agolli. U lind në Maqellarë të Peshkopisë, më 2 Qershor 1927. Me skenën, u lidh në vitin 1950. Roli i parë ishte Marieli, te “Zëri i Amerikës”. Fill mbas kësaj, luajti në tragjeditë shekspiriane, “Otello” dhe “Hamleti”. Studimet e larta për skenografi dhe kostume, i ndoqi në Bukuresht, kurse në Moskë u diplomua për regji. Kështu, ajo hyri në historinë e teatrit tonë si skenografia, kostumjeria dhe regjizorja e parë rne diplomë. Me regji të saj, më 1963, u vu në skenë drama “Shtrëngata” dhe më pas, shumë pjesë të tjera të autorëve tanë dhe të huaj. Ajo dha një ndihmesë të madhe edhe në teatrot e rretheve, si në Elbasan, Fier, Berat, Peshkopi, etj. Me themelimin e Institutit të Lartë të Arteve, Drita Agolli, u emërua pedagoge.
Referencat:
Thimi Çollaku / Kalendari i botës shqiptare
You may also like
-
9 Maj në dokumentat kishtare të shek VI përmendet Papa Inocenti dhe kombi arbëror
-
9 Maj 1912 në fletoren “Liria e Shqipërisë”, u botua thirrja e udhëheqësve të kryengritësve kosovarë, Mahmut Zajmit, Bajram Dakolanit, etj
-
9 Maj 1920, në prag të kryengritjes së armatosur, Italianët shpallën gjëndjen e jashtëzakonshme në Shqipëri
-
9 Maj 1945, kapitullojnë forcat gjermane ne Luften e Dytë Botërore
-
9 Maj 1967, vdiq Dhimitër Pasko, apo siç njihet me pseudonimin Mitrush Kuteli