Në Ujmishte të Lumës, më 19 Maj 1894 u lind Muharem Bajraktari. Kreu shkollën ushtarake në Insbruk të Austrisë. Pas diplomimit shërbeu në radhët e ushtrisë shqiptare. Luftoi kundër forcave të Revolucionit të Qershorit dhe u gradua oficer madhor prej Ahmet Zogut. Më 1927 u emërua komandant i përgjithshëm xhandarmërisë. Për fërkimet që kishte me inspektorin anglez, Zogu e caktoi adjutantin e vet. Kjo u bë shkak për armiqësinë e tij me mbretin dhe arratisjen në Jugosllavi. Gjatë kohës së Luftës së II Botërore, u kthye në atdhe dhe krijoi një çetë nacionalistësh, që luftoi si kundër pushtuesve, ashtu dhe kundër forcave partizane. Mbas Luftës, u arratis në Maqedoni dhe më pas në Greqi, Itali dhe në Belgjikë. Ai është një nga themeluesit dhe veprimtarët e Komitetit “Shqipëria e Lirë”. Vdiq në mërgim, në vitin 1989.
Referencat:
Thimi Çollaku / Kalendari i botës shqiptare
You may also like
-
21 Janar 2011, protestë e dhunshme në bulevard; katër persona humbën jetën
-
21 Janar 1895, Harallamb Kristo Koçi organizon në Shën Petërburg mbrëmje shqiptare
-
21 Janar 1814, lindi gazetari Medin Kamberi
-
21 Janar 1922, studentët shqiptarë në Austri botojnë revistën “Minerva”
-
21 Janar 1925, Shqipëria shpallet Republikë Parlamentare me President Ahmet Zogun