Më 15 Mars 1906, Bajo Topulli me 13 luftëtarë, doli malit për liri dhe formoi çetën e parë të armatosur. Me këtë, ai deshte t’u tregonte të rinjve shqiptarë si luftohet konkretisht për atdhe dhe liri. Menjëherë pas aksioneve të para, numëri i luftëtarëve arriti në 25 veta dhe vazhdoi të rritet në zjarrin e luftës për çlirim. Ndër aksionet e para të çetës së Bajo Topullit, që bashkonte luftëtarë të krishterë e muslimanë, ishte vrasja e dhespotit gjakatar të Korçës, si hakmarrje për vrasjen e Papa Kristo Negovanit dhe shokëve të tij. Shpesh çetat patriotike i kanë quajtur çeta komitësh. Por le të kujtojmë, se udhëheqësi i një çete të tillë ishte Bajo Topulli, një njeri i arsimuar dhe pedagog i shquar. Ai u kujdes të hartonte një rregullore të veçantë, që drejtonte veprimtarinë dhe disiplinën e çetës së tij dhe që më pas u përdor edhe për çetat e tjera. Një kopje e kësaj rregullore është botuar në vitin 1974, nga patrioti dhe luftëtari antifashist Zekerie Cana.
Referencat:
Thimi Çollaku / Kalendari i botës shqiptare
You may also like
-
19 Qershor 1166, u mbajt akti i shugurimit të kishës së Shën Trifonit në Kotorr
-
19 Qershor 1608, relacioni i Vendikut përshkruan të ardhurat kolosale nga peshkimi në Butrint
-
19 Qershor 1886, “Shoqënia e Stambollit”, arriti të marrë lejën për hapjen e Shkollës shqipe në Korçë
-
19 Qershor 1921, u themelua në qytetin e Korçës, shoqëria e vajzave “Zhvillimi”
-
19 Qershor 1924, qeveria e Nolit shpalli programin e saj 20 pikësh