Ligji nr. 108 mbi Reformën Agrare, u shpall më 29 Gusht 1945. Në baze te tij u shpronësuan dhe u tjetërsuan me detyrim dhe pa shpërblim, tokat që ishin prona shtetërore, pronat e çifligarëve dhe institucioneve fetare, e gjithë toka private, që kalonte madhësinë mbi 5 hektar. Pjesa më e madhe e tokës së shpronësuar, iu shpërnda falas fshatarëve pa tokë ose atyre, që kishin pak tokë sipas parimit “Toka i përket atij që e punon”. Pjesa tjetër e tokës, u shpall tokë shtetërore dhe mbi bazën e saj, u ngritën ndërmarrjet bujqësore shtetërore. Me zbatimin e reformës agrare, u shpronësuan pa shpërblim 172659 hektar toke, 474227 rrënjë ullinj e 5923 kafshë pune. Pronë shtetërore u bënë gjithashtu pyjet, kullotat, ujërat dhe pasuritë e nëntokës.
Referencat:
Thimi Çollaku / Kalendari i botës shqiptare
You may also like
-
29 Tetor 1908, themelimi i Klubit “Labëria”
-
29 Tetor 1909, shoqëria femërore “Ylli i mëngjesit” shfaq dramën “Vilhelm Teli”
-
29 Tetor 1914, “misioni sanitar” i Italianëve pregatiti pushtimin e Vlorës
-
29 Tetor 1937, aparati i parë “Rentgen” kundër turbekulozit
-
29 Tetor 1981, premierë e filmit “Në prag të lirisë”