Aktorja e Teatrit Kombëtar të Tiranës, “Artistja e Merituar”, Esma Agolli, u lind në Tiranë, më 1 Korrik 1928. Krijimtarinë skenike e ka filluar që në vitin 1948, duke skalitur shumë role në pjesët e autorëve shqiptarë dhe të huaj. Ajo mbetet edhe një ndër pioneret e artit të shtatë shqiptar. Ka luajtur në filmin e parë artistik me metrazh të shkurtër, “Fëmija e saj”, me regji të Hysen Hakanit, në filmin “Tana”, “Mysafiri”, “Në shtëpinë tonë”. Esma Agolli, është një ndër bashkëpunëtoret më të herëshme të mikrofonit dhe të ekranit të vogël shqiptar. Në arkivat e Radio-Televizionit shqiptar, ka me dhjetra regjistrime të “Teatri në mikrofon” dhe emisione të tjera artistike, ku interpreton aktorja. Edhe filmi i fundit, “Fletë të bardha”, xhiruar në vitin 1990, ku ajo luan rolin e Afërditës, është film televiziv.
Referencat:
Thimi Çollaku / Kalendari i botës shqiptare
You may also like
-
13 Dhjetor 1877, formohet Komiteti i Stambollit
-
13 Dhjetor 1909, drama “Besa” e Sami Frashërit
-
13 Dhjetor 1913, Fuqitë e Mëdha urdhërojnë tërheqjen e grekëve nga tokat shqiptare
-
13 Dhjetor 1920, Qeveria e Iljaz Vrionit shpreh vullnetin për fqinjësi të mirë
-
13 Dhjetor 1928, Konventa mbi shërbimin konsullor midis Shqipërisë dhe Greqisë